കമലാ സുറയ്യ

കടപ്പാട്:ശ്രീധരന്‍.ടി.പി., മലയാളം വിക്കിപീഡിയ

തൃശൂര്‍ ജില്ലയിലെ പുന്നയൂര്‍കുളത്തെ നാലപ്പാട്ട് തറവാട്ടില്‍ 1934 മാര്‍ച്ച് 31ന് കവിയത്രിയായിരുന്ന ബാലമണിയമ്മയുടെയും വി.എം.നായരുടെയും മകളായി ജനിച്ചു. പ്രസിദ്ധകവി നാലപ്പാട്ട് നാരായണമേനോന്‍ ഇവരുടെ വലിയമ്മാവനായിരുന്നു. മലയാളത്തിലും ഇംഗ്ലീഷിലും ഒരുപോലെ പ്രശസ്തയായ എഴുത്തുകാരി. എം.ഡി.നാലപ്പാട്ട്, ചിന്നന്‍ ദാസ്, ജയസൂര്യ എന്നിവര്‍ ഇവരുടെ മക്കളായിരുന്നു. ലോക സേവ പാര്‍ട്ടി എന്ന രാഷ്ട്രീയ സംഘടനയ്ക്ക് രൂപം കൊടുത്തു. 1999ല്‍ ഇസ്ലാം മതം സ്വീകരിക്കുന്നതിനു മുന്‍പ്, മലയാളത്തില്‍ 'മാധവിക്കുട്ടി' എന്ന പേരിലും ഇംഗ്ലീഷില്‍ 'കമലാദാസ്' എന്ന പേരിലുമാണ് രചനകള്‍ നടത്തിയിരുന്നത്. ഇസ്ലാം മതം സ്വീകരിച്ചതിന് ശേഷം കമലാസുരയ്യ എന്ന നാമം സ്വീകരിച്ചു. കവിത, ചെറുകഥ, ജീവചരിത്രം എന്നീ മേഖല

കളി‍ല്‍ കൈയൊപ്പ് പതിപ്പിച്ചിട്ടുണ്ട്. 1984ല്‍ സാഹിത്യത്തിനുള്ള നോബല്‍ സമ്മാനത്തിന് നാമനിര്‍ദ്ദേശം ചെയ്യപ്പെട്ടു. അനാഥരായ അമ്മമാരെയും സ്ത്രീകളെയും സംരക്ഷിക്കുവാനും മനുഷ്യത്വ പ്രവര്‍ത്തനങ്ങള്‍ക്കായി ലോകസേവാ ചാരിറ്റബിള്‍ ട്രസ്റ്റ് എന്ന സംഘടനം ആരംഭിച്ചു. നാലപ്പാട്ടെ തന്റെ തറവാട് കേരള സാഹിത്യ അക്കാദമിക്കായി മാധവിക്കുട്ടി ഇഷ്ടദാനം കൊടുത്തു. ഇവരെക്കുറിച്ച് 2018ല്‍ ഇറങ്ങിയ സിനിമയാണ് 'ആമി'. ഇവരുടെ ആത്മകഥയായ 'എന്റെ കഥ' ഇംഗ്ലീഷ് അടക്കം 15 ഭാഷകളിലേക്ക് വിവര്‍ത്തനം ചെയ്യപ്പെട്ടു. ഇവരുടെ അവാസാന കൃതി 'വണ്ടിക്കാളകള്‍' എന്ന കൃതിയാണ്. 2009 മേയ് 31ന് പൂനെയില്‍ വെച്ച് ഇവര്‍ ഓര്‍മ്മയായി.

പുരസ്കാരങ്ങള്‍
* വയലാര്‍ അവാര്‍ഡ്
* എഴുത്തച്ഛന്‍ പുരസ്കാരം
* കേരള സാഹിത്യ അക്കാദമി പുരസ്കാരം
* ഏഷ്യന്‍ വേള്‍ഡ് പ്രൈസ്
* ഏഷ്യന്‍ പൊയാട്രി പ്രൈസ്
* കെന്റ് അവാര്‍ഡ്
* കേരള സാഹിത്യ അക്കാദമി വിശിഷ്ടാംഗത്വം
* ആശാന്‍ വേള്‍ഡ് പ്രൈസ്
* കേരള സാഹിത്യ അക്കാദമി ഫെല്ലോഷിപ്പ്

കൃതികള്‍
* കടല്‍ മയൂരം
* ഭയം എന്റെ നിശാവസ്ത്രം
* എന്റെ സ്നേഹിത അരുണ
* ചുവന്ന പാവാട
* പക്ഷിയുടെ മണം
* തണുപ്പ്
* മാനസി
* എന്റെ കഥ
* ബാല്യകാലസ്മരണകള്‍
* വര്‍ഷങ്ങള്‍ക്കുമുന്‍പ്
* ഡയറിക്കുറിപ്പുകള്‍
* നീര്‍മാതളം പുത്ത കാലം
* നഷ്ടപ്പെട്ട നീലാംബരി
* ചന്ദനമരങ്ങള്‍
* മനോമി
* വീണ്ടും ചില കഥകള്‍
* ഒറ്റയടിപ്പാത
* യാ അല്ലാഹ്
* കവാടം (സുലോചനയുമൊത്ത്)
* വണ്ടിക്കാളകള്‍
* കല്‍ക്കട്ടയിലെ വേനല്‍ ( Summer in Calcutta)
* കാമത്തിന്റെ അക്ഷരങ്ങള്‍ (Alphebet of the lust)
* പിതൃപരമ്പര (The Descendance)
* പഴയ കളിവീടും മറ്റു കവിതകളും (Old Play House and Other Poems)
* തിരഞ്ഞെടുത്ത കവിതകള്‍ (Collected Poems)
* എങ്ങനെ പാടണമെന്ന്ആത്മാവിനേ അറിയൂ (Only the Soul Knows How to Sing)
* ചൂളംവിളികള്‍ (The Sirens)
* മൂന്നു നോവലുകള്‍
* മാധവിക്കുട്ടിയുടെ തിരഞ്ഞെടുത്ത കഥകള്‍
* എന്റെ കഥകള്‍
* സുറയ്യ പാടുന്നു
* അമ്മ
* സസ്നേഹം
* അമാവാസി (കെ.എന്‍.മോഹനവര്‍മ്മയുമൊത്ത്)
* നാരിചീറുകള്‍ പറക്കുമ്പോള്‍ (Short Stories)
* Palayan
* മാധവിക്കുട്ടിയുടെ കൃതികള്‍ സമ്പൂര്‍ണ്ണം

കടപ്പാട്
മലയാളം വിക്കിപീഡിയ
മലയാളം പാഠപുസ്തകം ഒന്‍പതാം തരം
മാധവിക്കുട്ടിയുടെ കൃതികള്‍ സമ്പൂര്‍ണ്ണം