ഇടശ്ശേരി ഗോവിന്ദന്‍ നായര്‍

കടപ്പാട് : മലയാളം വിക്കിപീഡിയ

        ഇടശ്ശേരി പി.കൃഷ്ണക്കുറുപ്പിന്റെയും ഇടശ്ശേരിക്കളത്തില്‍ കുഞ്ഞിക്കുട്ടിയമ്മയുടെയും മകനായി പൊന്നാനിക്കടുത്തുള്ള കുറ്റിപ്പുറത്ത് 1906 ഡിസംബര്‍ 23ന് ദാരിദ്ര്യത്തിന്റെ നടുവില്‍ ജനിച്ചു. കേരളത്തിലെ കവിയും നാടകകൃത്തുമാണ് ഇടശ്ശേരി. കാല്പനികതയെ രാഷ്ട്രീയത്തോടും ജീവിതത്തോടും കൂട്ടിയിണക്കിയ കവിയാണ് ഇദ്ദേഹം. 12-ാം വയസ്സുമുതല്‍ ഇദ്ദേഹം കവിതെഴുത്ത് തുടങ്ങിയിരുന്നു. 14-ാം വയസ്സില്‍ അച്ഛന്‍ മരിച്ചതോടെ പഠനം നിലച്ചു. ആലപ്പുഴ, പൊന്നാനി, കോഴിക്കോട് എന്നിവടങ്ങളില്‍ ജോലി ചെയ്തു. ഒടുവില്‍ ഗുമസ്തനായി ജീവിതാന്ത്യം വരെ കഴിച്ചു കൂട്ടി. 1938ല്‍ ഇടക്കണ്ടി ജാനകിയമ്മയെ വിവാഹം ചെയ്തു. കാഥാകൃത്ത് ഈ ഹരികുമാർ മകനാണ്. സ്വാതന്ത്ര്യസമര കാലത്ത് ദേശീയപ്രസ്ഥാനത്തിലുണ്ടായിരുന്ന ഇടശ്ശേരി, പിന്നീട് രാഷ്ട്രീയം വിട്ട് മാനവനികതയുടെ വക്താവായി. ‘കൂട്ടുകൃഷി' നാടകം കാര്‍ഷിക കേരളത്തിന്റെ കഥതന്നെയാണ്. യന്ത്ര, നഗര സംസ്കാരത്തോട് ഇദ്ദേഹം യോജിച്ചിരുന്നില്ല. കേരള സാഹിത്യ അക്കാദമിയുടെയും സംഗീത നാടക അക്കാദമിയുടെയുംഭരണ സമിതി അംഗമായിരുന്നു. ഇദ്ദേഹത്തിന്റെ കവിതയിലൂടെ അവഗണിക്കപ്പെടുന്നവര്‍ക്ക് കരുത്തു പകര്‍ന്നു നല്‍കിയതുകൊണ്ട് 'ശക്തിയുടെ കവി’ എന്ന് ഇദ്ദേഹം അറിയപ്പെടുന്നു. ഇദ്ദേഹത്തിന്റെ കവിതയില്‍ വേദനകള്‍ തങ്ങിനിനില്‍ക്കുന്നു. എല്ലുറപ്പുള്ള കവിതയെന്നാണ് ഇദ്ദേഹത്തിന്റെ കവിതയെ വിശേഷിപ്പിക്കാറ്. 1974 ഒക്ടോബര്‍ 16ന് സ്വവസതിയില്‍ വച്ച് അന്തരിച്ചു. ഇടശ്ശേരി സ്മാരക സമിതി ഏര്‍പ്പെടുത്തിയ അവാര്‍ഡ് 10,000 രൂപയും പ്രശസ്തിഫലകവുമടങ്ങിയതാണ് ഇടശ്ശേരി പുരസ്കാരം.

പുരസ്കാരങ്ങൾ

* കേരള സാഹിത്യ പുരസ്കാരം - കവിത (ഒരുപിടി നെല്ലിക്ക)

കൃതികള്‍‍
കവിതകള്‍

* അളകാവലി (1940)
* പുത്തന്‍ കലവും അരിവാളും (1951)‌
* കാവിലെപ്പാട്ട് (1966)
* പൂതപ്പാട്ട്
* കുറ്റിപ്പുറം പാലം
* കറുത്ത ചെട്ടിച്ചികള്‍
* വായാടി
* ഇടശ്ശേരിയുടെ തിരഞ്ഞെടുത്ത കവിതള്‍ (1966)
* ഒരു പിടി നെല്ലിക്ക
* അന്തിത്തിരി
* അമ്പാടിയിലേക്കു വീണ്ടും
* ഹനൂമല്‍ സേവ തുഞ്ചന്‍ പറമ്പില്‍
* തൊടിയില്‍ പടരാത്ത മുല്ല
* ഇസ്ലാമിലെ വന്മല
* നെല്ലുകുത്തുകാരി പാറുവിന്റെ കഥ
* കൊച്ചനുജന്‍
* ലഘുഗാനങ്ങള്‍ (1954)
* തത്ത്വശാസ്ത്രങ്ങള്‍ ഉറങ്ങുമ്പോള്‍ (1961)
* ത്രിവിക്രമനു മുന്നില്‍ (1971)
* കുങ്കുമപ്രഭാതം (1975)
* അന്തിത്തിരി

നാടകം
* കൂട്ടുകൃഷി (1950)
* കളിയും ചിരിയും (1954)
* എണ്ണിച്ചുട്ട അപ്പം (1957)
* ഇടശ്ശേരിയുടെ നാടകങ്ങള്‍ (2001)
* നൂലുമാല (1947)
* ചാലിയത്തി (1960)

 

 

പുരസ്കാരങ്ങള്‍
* കേന്ദ്ര സാഹിത്യ അക്കാദമി അവാര്‍ഡ് (കാവിലെപ്പാട്ട്-1969)
* കേരള സാഹിത്യ അക്കാദമി അവാര്‍ഡ് (ഒരു പിടി നെല്ലിക്ക-1968)

ഇടശ്ശേരി പുരസ്കാരം നേടിയവർ
* 1982 - എൻ.കെ.ദേശം(ഉല്ലേഖം)
* 1983 - എസ്.രമേശൻ നായർ(സൂര്യഹൃദയം)
* 1984 - എസ്.വി.വേണുഗോപാൻ നായർ(രേഖയില്ലാത്ത ഒരാൾ)
* 1985 - നെല്ലിക്കൽ മുരളീധരൻ(പുറപ്പാട്)
* 1986 - അഷിത(വിസ്മയചിഹ്നങ്ങൾ)
* 1987 - നളിനി ബേക്കൽ(മുച്ചിലോട്ടമ്മ)
* 1988 - എൻ.പി.ഹാഫിസ് മുഹമ്മദ്(പുഴയും പൂവും)
* 1989 - കെ.പി.രാമനുണ്ണി(സൂഫി പറഞ്ഞ കഥ)
* 1990 - പോൾ കല്ലാനോട്(ആൾപ്പാർപ്പില്ലാത്ത വീട്)
* 1991 - എ.വി.ശ്രീകണ്ഠപ്പൊതുവാൾ(വേണുഗാനം)
* 1992 - കരിമ്പുഴ രാമചന്ദ്രൻ(ശ്ലോകക്കച്ചേരി)
* 1993 - ശ്രീധരനുണ്ണി(വഴി)
* 1994 - ജോയ് മാത്യൂ(മദ്ധ്യധരണ്യാഴി)
* 1995 - അശോകൻ ചരുവിൽ(ഒരു രാത്രിയ്ക്ക് ഒരു പകൽ)
* 1996 - എം.കൃഷ്ണൻ നമ്പൂതിരി(അക്ഷരസൗന്ദര്യം)
* 1997 - പി. ഉദയഭാനു(അടഞ്ഞ വാതിൽ)
* 1998 - കെ.രഘുനാഥ്(സമാധാനത്തിനുവേണ്ടിയുള്ള യുദ്ധങ്ങൾ)
* 1999 - സതീഷ് കെ.സതീഷ്(റോസ്മേരി പറയാനിരുന്നത്)
* 2000 - അംബികാസുതൻ മാങ്ങാട്(കമേഷ്യൽ ബ്രേക്ക്)
* 2001 - പ്രമീളാദേവി(വാടകവീട്ടിലെ സന്ധ്യ)
* 2002 - സി.അഷറഫ്(ചില വിശുദ്ധ ജന്മങ്ങളുടെ വിശേഷങ്ങൾ)
* 2003 - എം.കമറുദ്ദീൻ(പുതിയ നിയമം)
* 2004 - ഹരിദാസ് കരിവെള്ളൂർ(ജീവിതം തുയ്ക്കാൻ ഒരു തൂവാല)
* 2005 - ദിവാകരൻ വിഷ്ണുമംഗലം(ജീവന്റെ ബട്ടൺ)
* 2006 - ബുധന്നൂർ രഘുനാഥ്(കുതിരക്കാരന്റെ മകൻ)
* 2007 - ബി.സന്ധ്യ(നീലക്കൊടുവേലിയുടെ കാവൽക്കാരി)
* 2008 - സുസ്മേഷ് ചന്ദ്രോത്ത്(സ്വർണ്ണമഹൽ)
* 2009 - പുരസ്കാരം നൽകിയില്ല
* 2010 - പി.എം.ഗോവിന്ദനുണ്ണി(ആമരതാരകം)
* 2011 - പി.വിജയകുമാർ(മഹായാത്ര)
* 2012 - റാഫേൽ തൈക്കാട്ടിൽ(മുനൂറ്റി അമ്പതിനാലിലേക്ക് നീങ്ങുന്ന യാത്രകൾ
* 2013 - പുരസ്കാരം നൽകിയില്ല
* 2014 - പുരസ്കാരം നൽകിയില്ല
* 2015 - ഷാഹിന.ഇ.കെ(പുതുമഴ ചൂരുള്ള ചുംബനങ്ങൾ)
* 2018 - പ്രഭാവർമ്മ(അപരിഗ്രഹം), ലോപ(വൈക്കോൽപ്പാവ), കണിമോൾ(നിലത്തെഴുത്ത്), ആര്യാംബിക(കാറ്റിലോടുന്ന തീവണ്ടി)
* 2019 - ഉണ്ണി.ആർ(വാങ്ക്), വി.ആർ.സുധീഷ്(ശ്രീകൃഷ്ണൻ), ജി.ആർ.ഇന്ദുഗോപൻ(കൊല്ലപ്പാട്ടി ദയ), ഇ.സന്ധ്യ(അനന്തരം ചാരുലത)

കടപ്പാട്
മലയാളം വിക്കിപീഡിയ
മാതൃഭൂമി
കേരള ലിറ്ററേച്ചർ
ജനയുഗം
മനോരമ ഓൺലൈൻ